Алжир орман өртеушілер мен бала ұрлаушыларға өлім жазасын енгізді

Фото: Shutterstock

Алжир парламенті қылмыстық кодекске түзету қабылдап, орман өртеушілер мен бала ұрлаушыларға өлім жазасын қолдануды көздеді. Бұл туралы Al Jazeera хабарлап, NewTimes.kz ақпарат агенттігі таратты.

Бұл туралы Qazaqtoday.info сайты хабарлайды.

Заң жобасы төменгі палатаның пленарлық отырысында спикер Халида Буфдештің төрағалығымен дауысқа салынып, қабылданды. Бұл құжат депутаттардың жаңа парламенттік сессияда мақұлдаған алғашқы бастамасы болды. Ол тамыз айындағы орман өрттерінен кейін президент Абдельмаджид Теббунның тапсырмасымен ұсынылған.

Мәтінге сәйкес, ең жоғары жаза орман мен егістікті қасақана өртеп, мемлекеттік немесе жеке мүлікті шетелдік тараптардың мүддесіне мемлекетке сатқындық, тыңшылық немесе ұйымдасқан қылмыс шеңберінде бүлдіргендерге қолданылады.

Сондай-ақ қоғамдық қауіпсіздік пен тәртіпке, ұлттық бірлікке немесе экономикалық және экологиялық тұрақтылыққа нұқсан келтіруге әрекеттенгендерге де өлім жазасы қауіп төндіреді.

Бала ұрлаушыларға қатысты жеке норма бар: кез келген бала ұрлау үшін өлім жазасы енгізіледі.

«Осы әрекеттер үшін өлім жазасын қабылдау — бұл қылмыстарды тежеудің барабар құқықтық жауабы», — деді әділет министрі Лотфи Буджемаа дауыс беруден кейін.

Оның айтуынша, Алжирдің сот жүйесі айыпталушыларға кепілдіктерді сақтайды: барлық кезеңде адвокаттың міндетті қатысуы, психиатриялық сараптама және шағымдану құқығы. Үкімді апелляциялық сатыда, содан кейін Жоғарғы сотта даулауға болады.

Заң сондай-ақ өрт қою және балаларға қарсы қылмыстар туралы істер бойынша сотталғандар үшін жазаны жеңілдететін мән-жайларды есепке алу мүмкіндігін жояды. Енді құжат парламенттің жоғарғы палатасынан өтіп, президент қол қоюы тиіс.

Алжир заңнамасында бірқатар қылмыс үшін өлім жазасы сақталғанымен, оны орындауға 1993 жылдан бері мораторий қолданылады.

Бұған дейін Өзбекстанда 5 жасар қызды зорлаудан кейін өлім жазасын қайтару туралы ұсыныс айтылғаны хабарланған болатын.