Қазақстанның қарызы қанша?

Фото: Коллаж El.kz

Қазақстан Еуразиялық экономикалық комиссияның ресми сайтынада ЕЭО мүше елдердің  бюджет тапшылығы мен мемлекеттік қарызына қатысты есеп жарияланды, деп хабарлайды Qazaq Today ақпарат агенттігі EL.kz-ке сілтеме жасап. 

Бір жыл бұрынғы көрсеткішпен салыстырғанда Қазақстанда бюджет тапшылығы 30,5 %-ке өссе, Арменияда 5,2 %-ке өссе, ал Ресейде 2,0%-ке артты.

Қазақстан мен Ресейдегі бюджет тапшылығын жабу үшін ақшаның басым бөлігі ұлттық қорлардан алынды. Мемлекеттік қарыздың көлемі бір жылдың ішінде Арменияда 14,6%, Қазақстанда — 7,3%, Қырғызстанда – 17,1% өскен. Армения мен Қырғызстанда мемлекеттік қарызда сыртқы берешек басым болса, Қазақстан мен Ресейде ішкі қарыз артып отыр.

Биылғы жылдың 1 қаңтардағы жағдай бойынша сыртқы мемлекеттік қарыз (АҚШ долларымен есептегенде) Арменияда (0,9%) және Қырғызстанда (3,9%) өсті. Ал Қазақстан (8,3%) мен Ресейде (1,6%) көрсеткіш керісінше азайды.