«Қазақстан темір жолы» басшысының жалақысы қанша екені белгілі болды
Фото: stan.kz
«Қазақстан темір жолы» ұлттық компаниясының басқарма төрағасы Нұрлан Сауранбаев айлық жалақысы қанша екенін айтты, деп хабарлайды Qazaq Today ақпарат агенттігі.
Айтуынша, оның айлық табысы – 1 миллион теңге. Бірақ ҚТЖ басшысы ұлттық компания топ-менеджментінің өткен жылы қанша сыйақы алғанын айтпады. Сөзінше, топ-менеджмент жалақыны коэффициент жалақысына қарай алады, деп мәлімдейді stan.kz.
«Жалақым – 1 миллион теңге. Ал қосымша төлемдер ұпайлық жүйемен есептеледі. Әркімде әртүрлі, қазір бұл соманы айта алмаймын. Ал басқарма мүшелеріне бонустар төленбейді”, – деді Сауранбаев сенат отырысында.
Ол ҚТЖ басқарма мүшелеріне сыйақы берілмейтінін, ал бонустар, яғни қосымша төлемдер жыл соңында төленетінін айтты.
Нұрлан Сауранбаев ҚТЖ ұлттық компаниясының басқарма төрағасы болып 2021 жылдың сәуірінде тағайындалды. 2022 жылы ол компанияның жалақы қоры 331 миллиард теңге болғанын хабарлады.
