Былтыр тұрмыстық зорлық-зомбылық салдарынан жүзге жуық әйел қайтыс болған
Фото: Pixabay
Былтыр тұрмыстағы зорлық-зомбылыққа салдарынан 69 әйел көз жұмды. Бұл туралы Қазақстан Республикасындағы Бала құқықтары жөніндегі уәкіл Динара Зәкиева айтты, деп хабарлайды Qazaq Today ақпарат агенттігі.
Айта кетейік, бүгін Парламент Мәжілісінде «Кейбір заңнамалық актілерге әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» заң жобасы таныстырылды.
Динара Зәкиева қазір қоғамдағы өзекті мәселенің бірі отбасындағы зорлық-зомбылық және балаларға қарсы жасалған қылмыстар екенін айтты.
«Былтыр тұрмыстық зорлық-зомбылыққа қатысты 99 мың өтініш түсті. Балаларға қарсы 2452 қылмыс жасалды, тұрмыстағы зорлық-зомбылық салдарынан 69 әйел мен 7 бала қаза тапты», — деді Бала құқықтары жөніндегі уәкіл.
