«Қазақтелеком» Tele2 мен Altel-ді сатады
Ұлттық экономика министрлігі үкіметтің жекешелендірудің кейбір мәселелері туралы қаулысына толықтырулар мен өзгерістер жобасын жариялады.
Жарияланған құжатта еншілес немесе ұлттық холдингтермен және ұлттық компаниялармен аффилиирленген компаниялар ұсынылған Олар 2025 жылға дейін бәсекелестік ортаға басым тәртіппен берілуі тиіс.
«Мобайл Телеком-Сервис ЖШС «Қазақтелеком» тобының бөлігі ретінде енгізілсін. Бәсекелестік ортаға беру тәсілі – тікелей атаулы сату, мерзімі — 2024 жыл. Өзгерістер жобасы «экономикалық өсуді ынталандыру және өндірістік базаны кеңейтуге және өндірісті жаңғыртуға бағытталған қосымша ресурстарды тарту қажеттілігіне байланысты», — делінген құжатта.
«Мобайл Телеком-Сервис» ЖШС — Tele2/Altel бірлескен компаниясы. Тағы бір мобильді оператор Kcell «Қазақтелекомның»бақылауында.
Естеріңізге сала кетейік, бұған дейін Қазақстанда ұялы байланыс операторларына 3,2 млрд теңге айыппұл салынғаны хабарланған болатын.
Дереккөз: ulysmedia.kz
