Астанадан Ақтөбеге жол тартқан: 20 тонна жұмыртқа тиеген фура аударылып қалды

Облыстық ПД баспасөз қызметінің мәліметінше, жол-көлік оқиғасы «Көкшетау – Рузаевка» тасжолының 21-шақырымында болған.

 

Рузаевка бағытында жүріп бара жатқан «Вольво» көлігінің жүргізушісі – 21 жастағы ақтөбелік көктайғақ салдарынан рөлге ие бола алмай қалған. Салдарынан көлік аударылды. Анықталғандай, жүргізуші Астанадан Ақтөбе қаласына 20 тонна жұмыртқа тасымалдап бара жатқан, — деп хабарлады ведомство өкілдері.

 

Жалпы, өткен демалыс күндері ауа райының нашарлауынан Ақмола облысында 18 жол-көлік оқиғасы тіркелген.