Ақтөбе облысында 3 адам жол апатынан көз жұмды

Ақтөбе облысында жол апатынан үш адам қаза тапты, деп хабарлайды Qazaq.today.

Облыстық полиция департаментінің мәліметінше, қайғылы оқиға 19 қарашада сағат 05:45 шамасында Ақтөбе – Орынбор тасжолының 73 шақырымында болған.

«Мәртөк ауылының маңында Audi, Lexus және Subaru forester автокөліктері соқтығысқан. Соның салдарынан Lexus және Subaru forester автокөлігінің жүргізушілері мен Subaru-да болған жолаушы оқиға орнында қаза болды», — делінген хабарламада.

Lexus жолаушысы Мәртөк ауданының ауруханасына жеткізілді.

ҚР Қылмыстық кодексінің 345-бабы 4-бөлігімен сотқа дейінгі тергеп-тексеру жүргізіліп жатыр.

Qazaq.today