АҚШ-тың әскери базасы зымыран соққысына ұшырады
22 қазанда Ирактың исламдық жасақ құрамындағы шейіт қарулы топтарына жататын жауынгерлер Анбар провинциясындағы америкалық Айн әл-Асад әскери базасына шабуыл жасады. Бұл базаға қарай бірнеше зымыран ұшырылды, бірақ бұл шабуылдың салдары туралы әзірге ақпарат жоқ.
Айн әл-Асад базасы алдыңғы күндері шабуылдардың нысанасына айналған болатын. 19-20 қазанда оған ұшқышсыз зымырандар шабуыл жасады. 20 қазанда Бағдадтан 425 шақырым қашықтықта орналасқан Эрбил қаласының маңындағы Харир әскери аэродромына екі ұшқышсыз ұшақтың шабуылы да тойтарылды. Ирактың әуе шабуылына қарсы қорғаныс жүйелері Бағдад халықаралық әуежайының жанында орналасқан америкалық Кэмп Виктория базасының үстінде ұшқышсыз ұшақтардың бірін атып түсіргені баса айтылды.
Шейіт топтарының содырлары бұған дейін АҚШ-тан Ирак пен Таяу Шығыстағы басқа елдерден әскерилерін дереу шығаруды талап еткен. Олар бұл талап орындалмаса, америкалық базаларға тұрақты түрде шабуыл жасалатынын мәлімдеген болатын.
Айта кетейік, қазан айының басында түрік армиясы сәтсіз теракт әрекетінен кейін Ирактың солтүстігінде әуе соққыларын жасаған. Шабуыл үшін жауапкершілікті Күрдістан жұмысшы партиясы (PKK) мойнына алғаны белгілі болды.
Дереккөз: ulysmedia.kz
