Астанада жол жиегі автобус тұрағына айналды: тұрғындар әкімдіктен шара талап етті
Астана тұрғындары жол жиегінде ұзақ тұрған автобустарға шағымданып, әкімдіктен шара қолдануды талап етті. Тұрғындар жол қауіпсіздігіне алаңдайды.
Дереккөз: @b.t.ast
Сурет: жасанды интеллект
Астана тұрғындары жол бойында ұзақ уақыт тұрған автобустарға қатысты мәселені әлеуметтік желіде көтерді. Олардың айтуынша, қоғамдық көліктер жол жиегін тұрақ ретінде пайдаланып, өзге көліктердің қозғалысына кедергі жасайды.
Бұл туралы Qazaqtoday.info сайты хабарлайды.
Тұрғындардың сөзінше, бұл автобустар жолды тарылтып, жүргізушілер мен жаяу жүргіншілерге қолайсыздық туғызып отыр. Олар мұндай жағдай жол қауіпсіздігіне қатер төндіруі мүмкін екенін айтып, жауапты мекемелердің назар аударуын сұрайды.
Алайда Астана қаласы әкімдігінің бұл мәселеге қатысты қандай шара қабылдағаны әзірге белгісіз. Елорда тұрғындары жол жиегіндегі автобустарды алып тастап, көлік қозғалысын реттеуді талап етіп отыр.
