«Құлағым естімей қалды»: Танымал актер түсірілім кезінде жарақат алды
Фото: Видеодан скрин
Белгілі актер Ерболат Әлқожа түсірілім кезінде жарақат алып, денсаулығына байланысты қиындыққа тап болғанын айтты, деп хабарлайды Qazaqtoday.info ақпарат порталы.
Өнер иесінің сөзінше, жарақат салдарынан бір құлағы мүлдем естімей қалған.
«Түсірілім кезінде жарақат алдым. Мына оң жақ құлағым мүлдем естімей қалды. Қырғызстанның мен-мен деген мықты дәрігерлері емдеп жатыр. Қырғыз бауырларымызға үлкен алғыс», – деді актер.
Сондай-ақ актер ем-домына қаржылай көмек ұсынған оқырмандарына алғысын білдіріп, ақшалай қолдаудың қажеті жоқ екенін жеткізді.
