Жол емес, ой-шұңқыр: Сәтбаев–Сарыоба жолы жүргізушілердің наразылығын туғызды
Сәтбаев–Сарыоба бағытындағы жолдың қазіргі жағдайы әлеуметтік желіде талқыланып жатыр.
Жарияланған видеодан жол жабынының ойылып, көптеген бөлігінде шұңқырлар мен ойдымдардың пайда болғанын көруге болады.
Видео авторының жазуынша, жолдың кей бөліктері ауыр көліктердің жүруіне де қиындық туғызады.
Сондай-ақ автор ауыр жүк көліктерінің жол бойындағы топырақты карьерден тасып жатқанын атап өткен.
Бұл жағдай аталған бағытпен қатынайтын жүргізушілер үшін жол қауіпсіздігіне қатысты мәселе туындағанын көрсетеді.
Видео: @6135nurlan
