Тоқаев Оңтүстік Кореядағы қазақстандықтармен жылы әңгімелесті

Қазақстан Президенті Қасым-Жомарт Тоқаев Оңтүстік Кореяда оқып жатқан немесе еңбек етіп жүрген отандастарымызбен жылы лебізді әңгіме өткізді.

Бұл туралы Qazaqtoday.info сайты хабарлайды.

Мемлекет басшысы отандастарға елімізде жүргізіліп жатқан саяси реформалар мен халықтың әл-ауқатын арттыруға бағытталған әлеуметтік-экономикалық өзгерістер туралы баяндады.

Өз кезегінде отандастарымыз оқу мен жұмыстағы жетістіктерін ортаға салып, Қасым-Жомарт Тоқаевқа болашаққа арналған жоспарларын жеткізді.

Кездесу соңында Президент студенттерге және Корея Республикасында тұратын барлық Қазақстан азаматтарына табыс тіледі.