Тоқаев Үндістан мен Оңтүстік Кореяға ресми сапармен барады
Қазақстан Президенті Қасым-Жомарт Тоқаев 12-13 қыркүйекте Үндістанға, 14-16 қыркүйекте Оңтүстік Кореяға барады. Сапар барысында БРИКС саммиті мен Орталық Азия – Корея Республикасы саммитіне қатысады.
12–13 қыркүйекте Қазақстан Президенті Қасым-Жомарт Тоқаев Үндістанға жұмыс сапарымен барады. Сапар барысында ол БРИКС-тің XVIII саммитіне қатысып, «БРИКС+» пленарлық отырысында сөз сөйлейді. Бұл туралы Ақорданың баспасөз қызметі хабарлады.
Бұл туралы Qazaqtoday.info сайты хабарлайды.
«12-13 қыркүйекте Қасым-Жомарт Тоқаев Үндістан Премьер-министрі Нарендра Модидің шақыруымен БРИКС-тің XVIII саммитіне қатысу үшін жұмыс сапарымен Үндістанға барады. Нью-Делиде президент «аутрич»/«БРИКС+» форматындағы «Тұрақтылықты, инновацияларды, ынтымақтастықты және тұрақтылықты нығайту» тақырыбына арналған пленарлық отырыста сөз сөйлейді. Сапар бағдарламасы Үндістан Премьер-министрі Нарендра Модимен келіссөздерді және бірқатар мемлекет және үкімет басшыларымен кездесулерді қамтиды», – делінген хабарламада.
14-16 қыркүйекте Мемлекет басшысы Оңтүстік Корея Президенті Ли Чжэ Меннің шақыруымен аталған елге мемлекеттік сапармен барады.
15 қыркүйекте Сеулде жоғары деңгейдегі келіссөздер өтеді. Онда тараптар Қазақстан мен Оңтүстік Корея арасындағы кеңейтілген стратегиялық әріптестікті одан әрі дамыту мәселелерін талқылайды. Сондай-ақ Тоқаевтың ірі корей компанияларының басшыларымен кездесулері жоспарланған.
16 қыркүйекте президент «Орталық Азия – Корея Республикасы» алғашқы саммитіне қатысады.
