Қарағандыны түтін тұмшалады: Майқұдық тұрғындары «демалу мүмкін емес» деп дабыл қақты

Фото: видеодан скрин

Қарағандыда шыққан дала өртінен кейін қаланың бірнеше бөлігін қою түтін басып, күйік иісі сезілген. Әлеуметтік желіде Майқұдық тұрғындары ауаның қатты түтіндегенін айтып, «демалу мүмкін емес» деп шағымданды. 

Өрт Әлихан Бөкейхан ауданындағы «Восток» шағынауданының Сахалин учаскесінде шығып, шамамен 7 гектар аумақты шарпыған.  Ағаштар, бұталар, құрғақ шөп пен қоқыс өртеніп, жалынның одан әрі таралуы тоқтатылған.  Өртті сөндіруге 35 маман мен 8 техника жұмылдырылып, құтқарушылар жекелеген ошақтарды толық сөндіру жұмыстарын жалғастырған.  Өрттің шығу себебі анықталып жатыр.

Видео:  @1karagandy.kz