Мемлекет басшысы Тәжікстан Президентін тәуелсіздіктің 35 жылдығымен құттықтады
Қасым-Жомарт Тоқаев Тәжікстан Президенті Эмомали Рахмонды Тәуелсіздіктің 35 жылдығымен құттықтап, стратегиялық әріптестіктің нығая түсетініне сенім білдірді.
Қазақстан Республикасының Президенті Қасым-Жомарт Тоқаев Тәжікстан Президенті Эмомали Рахмонды және осы елдің барша халқын Тәжікстан Республикасы Тәуелсіздігінің 35 жылдығымен құттықтады.
Бұл туралы Qazaqtoday.info сайты хабарлайды.
Мемлекет басшысы егемендік жылдары Тәжікстанның мемлекеттік құрылыста, әлеуметтік-экономикалық дамуда, сондай-ақ әлемдік аренада ұлттық мүдделерді қорғау мен ілгерілетуде айтарлықтай жетістіктерге жеткенін атап өтті.
– Қазақстанда сіздің еліңіздің табыстарын шынайы қуанышпен қабылдайды, біз достық пен өзара қолдау қарым-қатынастарын жоғары бағалаймыз. Қазақ-тәжік стратегиялық әріптестігі мен одақтастығы екі бауырлас ел мен халықтың игілігі үшін бұдан әрі нығая түсетініне сенімдімін, – деп атап көрсетті Қасым-Жомарт Тоқаев.
Қазақстан Президенті Эмомали Рахмонға жауапты мемлекеттік қызметінде табыс тілеп, бауырлас Тәжікстан халқына амандық пен гүлдену тіледі.
