«Жол жоқ, құрылыс қараусыз жатыр»: Алматыдағы тұрғындар құрылыс компаниясына шағымданды
Коллаж: qazaqtoday.info
Алматыдағы тұрғындар тұрғын үй маңындағы инженерлік инфрақұрылымның жағдайына шағымданды, деп хабарлайды Qazaqtoday.info ақпарат порталы.
Олардың айтуынша, құрылыс компаниясы бес күннен бері аумақты тазаламаған, ал КНС нысаны сол күйі қараусыз жатыр. Тұрғындар ВНС жұмысына қатысты да мәселе жиі туындайтынын, қазандықтың әлі АТКЭ-ге берілмегенін жазған. Сондай-ақ олар дайын жолдың жоқтығын айтып, құрылыс аумағындағы жағдай күнделікті жүріп-тұруды қиындатып отырғанын жеткізді. Желі қолданушылары жауапты мекемелер мен қала әкімдігін мәселені назарға алуға шақырған. Тұрғындар енді құрылыс компаниясынан аумақты ретке келтіріп, инженерлік нысандарға қатысты мәселелерді шешуді талап етіп отыр.
