«10 жыл күткен үйіміз құлап кете ме?»: Ақтөбеде «Бақытты отбасы» арқылы баспана алған тұрғындар қауіптеніп отыр

Фото: Наша газета

Ақтөбенің 3-шағын ауданындағы №39 үйдің тұрғындары баспананың қабырғалары жарылып, жағдай ушығып бара жатқанын айтып дабыл қақты.

Бұл үй 2024 жылы I және II топтағы мүгедектігі бар азаматтарға, жетім балалар мен мүгедектігі бар балалар тәрбиелеп отырған отбасыларға берілген.

Тұрғындардың кейбірі бұл баспананы алу үшін кезекте 10-14 жыл тұрғанын айтады.
Шағымнан кейін Ақтөбе қаласының құрылыс бөлімі №39, 40 және 41 үйлерге мердігер «Ақтөбе-Сәулет» ЖШС мамандары тексеру жүргізгенін хабарлаған. Қазір мердігер техникалық қорытынды әзірлеп жатыр, ал сараптама нәтижесіне сәйкес анықталған ақауларды жөндеу көзделген.

Тұрғындар қабырғадағы ірі жарықтардың нақты неден пайда болғанын және үйде тұру қаншалықты қауіпсіз екенін анықтайтын қорытындыны күтуде.

Видео: @tilshi.news