БҰҰ Африка елдерінің әлем картасын өзгерту бастамасын қолдады
БҰҰ Бас Ассамблеясы Меркатор проекциясының бұрмалауын ескере отырып, әлем картасын дәлірек көрсететін баламалы карталарды қолдануға шақырды. Резолюция 164 дауыспен қабылданды, АҚШ қарсы шықты.
Біріккен Ұлттар Ұйымының Бас Ассамблеясы континенттердің нақты көлемін дәлірек көрсететін карталарды кеңінен қолдануға шақырды. Бұл резолюцияны 164 мемлекет қолдап дауыс берді, ал АҚШ қарсы шығып, тағы алты ел бейтарап қалды.
Бұл туралы Qazaqtoday.info сайты хабарлайды.
Мәселе, ең алдымен, навигацияға ыңғайлы, бірақ аумақтардың ауданын қатты бұрмалайтын Меркатор проекциясына қатысты. Мысалы, бұл проекцияда Африка полюстерге жақын орналасқан аймақтармен салыстырғанда айтарлықтай кіші болып көрінеді.
Резолюция ұсынымдық сипатқа ие және Меркатор проекциясына тыйым салмайды. Балама ретінде Equal Earth және басқа да тең ауданды карталарды жиі қолдану ұсынылады.
