«Неге жармассақ, Құдай сонымен сынайды»: коуч Құралай өміріндегі қиыншылықтары туралы айтты (ВИДЕО)
Фото: Әлеуметтік желіден
Танымал психолог, коуч Құралай ханым өмірінде болған буллинг пен жеке өміріндегі, қаржылық тұрғыдағы қиын сәттерді еске алды, деп хабарлайды Qazaqtoday.info ақпарат порталы.
Коуч Құралай ханым тележурналист Жанар Байсемізге сұхбат берген.
«Неге жармасамыз, Құдай сонымен сынайды. Мен күйеуге шыққанда, күйеуге жабысқанмын. Әкем қайтып кеткен соң, менің күйеуім өліп қалады деген қорқыныш болды. Оны қанша терапиядан өткен соң, түсініп жатырмыз.
Күйеуіме жармасқанмын, ол менен қашқан. Өзімді тұлға ретінде қалыптасып, күйеусіз, яғни ол бар болсын, жоқ болсын, бақытты болуды үйренген кезде, ақшаға жармастым. Ақшам болса, менде бәрі болады дедім.
Сол жерде де түрлі сынақтар болды, әр түрлі. Сол кезде де психологтардан кеңесе жүріп, ақшаға жармаспауды үйрендім. Өзімнен дүние деген нәрсені алып тастадым. Балаға жармассаң, баламен сынайды.
Мықты достарға, жұлдыздарға жармастым, сол кезде де өтке қатты сынақ болды, буллинг болды. Тіпті сол саналы өмірімнің 20 жылын қарасам, не нәрсеге жармастым, сол нәрседен маған сондай сынақ келген екен», — деді ол.
