Алматыда электросамокат апатынан ер адам қаза тапты
Алматыда түнгі уақытта электросамокатпен келе жатқан 44 жастағы ер адам жол апатынан қаза тапты. Оқиға Варламов көшесінде болған.
Сурет: istockphoto
Алматыда түнгі уақытта электросамокатпен келе жатқан 44 жастағы ер адам қайтыс болды. Оқиға Варламов көшесінде, Төле би даңғылына жақын жерде болған, деп хабарлайды Qazaqtoday.info сайты.
Алдын ала мәлімет бойынша, ер адам электросамокатты басқаруды жоғалтып, жол жиегіндегі жиектасқа соғылып құлаған. Соққы салдарынан ол ауыр жарақат алды.
Оқиға орнына жедел жәрдем қызметкерлері келіп, ер адамның өмірін сақтап қалуға тырысқан. Алайда алған жарақаттары тым ауыр болғандықтан, ол көз жұмды.
Алдын ала ақпаратқа сәйкес, марқұм электросамокатпен жүру кезінде шлем және басқа да қорғаныс құралдарын кимеген.
Қазіргі уақытта оқиғаның барлық мән-жайы анықталып жатыр.
