«Денесі көгерген, тырнағының астында топырақ болған»: Меркіде көз жұмған Мәдинаның туыстары күйеуінен күдіктенеді
Коллаж: ozgeris.info
Жамбыл облысының Меркі ауданында көз жұмған 19 жастағы Мәдинаның өліміне қатысты жаңа деректер жарияланды, деп хабарлайды Qazaqtoday.info ақпарат порталы.
Марқұмның құрбысының айтуынша, Мәдина бұған дейін күйеуінің өзіне қол көтеретінін айтып, денесіндегі көгерген іздердің суреттерін жіберген. Қайғылы жағдайдың алдында да ол күйеуімен жанжалдасып, соққы көргенін жазған, кейін заттарын жинап, үйден кетуге және ажырасуға ниетті болған. Құрбысы марқұмның денесінде көптеген көгерген із болғанын, тіпті «денесінің сау-тамтығы қалмағанын» мәлімдеді, алайда бұл деректерге құқық қорғау органдары әзірге түпкілікті баға берген жоқ. Полиция Мәдинаның өліміне байланысты өзін-өзі өлтіруге дейін жеткізу дерегі бойынша сотқа дейінгі тергеу жүргізіп, тараптардың барлық уәжі мен іс үшін маңызды мәліметтер тексерілетінін хабарлады. Құзырлы орган тергеу аяқталғанға дейін асығыс қорытынды жасамауға шақырды.
Видео: @qazaqtynaruzhany
