Дастан Сатпаев «Челси» ойыншысы атанды
Қазақстандық футболшы Дастан Сатпаев «Челси» сапында ресми ойыншы атанды. Трансфер сомасы 2,4 млн еуро, келісім 2033 жылға дейін.
Қазақстандық шабуылшы Дастан Сатпаев 12 тамызда Лондонның «Челси» клубымен ресми келісімшартқа отырды. Осы күні футболшы 18 жасқа толды.
Сатпаевтің ағылшын клубына ауысуы 2025 жылдың басында белгілі болған еді. Тараптар 2033 жылға дейін келісім жасасты. Transfermarkt мәліметінше, трансфер сомасы 2,4 млн еуроны құрады.
Қазақстандық ойыншы «Челси» лагеріне 2026 жылдың шілдесінде келді. Бұған дейін ауысу ФИФА-ның кәмелетке толмаған ойыншылардың халықаралық ауысуына тыйым салатын ережелеріне байланысты кейінге шегерілген еді.
Сатпаев лондондық клуб сапында бірнеше жолдастық кездесу өткізіп, алғашқы голын соқты.
«Челси» — Англияның алты дүркін чемпионы және Чемпиондар лигасының екі дүркін жеңімпазы.
