Мақпал Жүнісова мен Бүркіттің дүкендегі кездесуі желіде қызу талқылануда

Сурет: aikyn.kz

Қазақстанның халық әртісі, әнші Мақпал Жүнісова әлеуметтік желіде дүкенде түсірілген видеосын жариялады. Бейнежазбада әншінің өнердегі әріптесі Бүркітпен кездескені көрінеді. Бүркіт Мақпал Жүнісованың орнына кассада төлем жасап тұрғанын байқауға болады. Бұл туралы Aikyn.kz хабарлады.

Мақпал Жүнісова бейнежазбаға түсініктеме беріп: «Бүркіт бауырым кездесіп қалып, маған ақша төлетпей, бәрін өзі төлеп тастады. Рақмет», – деді. Ал Бүркіт өз кезегінде: «Бұл бес күн өмірде сыйластықпен өтейік», – деп пікір білдірді.

Желі қолданушылары бұл көрініске сүйсініп, жылы лебіздерін білдіруде. Көпшілік әртістердің достық қарым-қатынасын жоғары бағалап, ізгі тілектерін жазуда.