БҰҰ аптап ыстыққа қатысты мәлімдеме жасады
Фото: zakon.kz
Әлемнің көп елінде аптап ыстық қазан айына дейін сақталуы мүмкін. Бұл туралы БҰҰ ескертті, деп хабарлайды Qazaqtoday.info ақпарат порталы.
Бұған Эль-Ниньо құбылысы мен адам әрекеті, әсіресе қазба отынды өндіру және жағу әсер етіп отыр.
Мамандардың айтуынша, мұндай жағдай құрғақшылықты күшейтіп, орман өртінің, су тасқыны мен нөсер жауынның жиілеуіне әкеледі. Осыған байланысты БҰҰ климаттың өзгеруімен күреске бағытталған шараларды күшейтуге шақырды.
Биыл Еуропада ірі орман өрттері тіркелсе, Үндістан, Қытай, Пәкістан және Ауғанстанда су тасқынынан жүздеген адам опат болды.
