Астанада 3 тамызда электр энергиясы мен ыстық су уақытша өшіріледі

Сурет: tengrinews.kz

Астанада 3 тамыз – дүйсенбі күні электр энергиясы мен ыстық су уақытша өшіріледі. Бұл туралы қала әкімдігінің мониторинг және жедел ден қою орталығы мәлімдеді, деп хабарлайды Qazaqtoday.info сайты.

Өшірулер күрделі жөндеу жұмыстарына, тіректерді ауыстыруға және желілерді қайта тартуға байланысты. Үй мекенжайына қарай электр қуатын өшірудің үш кестесі қарастырылған: 08:30–16:00, 08:30–16:30 және 09:00–16:30. Осы күні негізінен оң жағалаудағы тұрғындар жарықсыз қалады.

Сонымен қатар елордада ыстық су да өшіріледі. Бұл оң және сол жағалауларда да болжанған. Мекенжайға қарай ыстық сумен жабдықтау мына уақыт аралықтарында тоқтайды: 00:00–20:00, 08:00–12:00, 08:00–17:00, 08:00–18:00, 08:00–20:00, 09:00–17:00.

Материал 2026 жылғы 2 тамызда сағат 19:03-те толықтырылды.

Бұған дейін Қазгидромет мамандары Алматы мен Астанаға 1, 2 және 3 тамызға арналған ауа райы болжамын ұсынған болатын.