29 шілдеде көпқабатты үйдегі өрт сөндірілді, зардап шеккендер жоқ

Сурет: lada.kz

29 шілде күні сағат 16:20-да өрт туралы хабарлама түскенін аймақтық Төтенше жағдайлар департаменті хабарлады, деп хабарлайды Qazaqtoday.info сайты.

Өрт екінші шағын аудандағы №60 үш қабатты көппәтерлі тұрғын үйдің екінші қабатындағы пәтерде шыққан. Дәліз бен ас үйдегі тұрмыс заттары жанған. Өрт аумағы 16 шаршы метрді құрады.

Оқиға орнына ТЖД күштері жіберілді. Өртті сөндіруге 12 қызметкер мен үш бірлік арнайы техника жұмылдырылды. Сондай-ақ Апаттар медицинасы орталығының төрт адамнан тұратын бригадасы кезекшілік етті.

Өрт сағат 16:35-те толығымен сөндірілді. Оқиға салдарынан ешкім зардап шеккен жоқ. Өрттің шығу себептері анықталып жатыр.