Балқаштағы жағажайда жүргізуші көлік айдады
Фото: видеодан скрин
Оқиға 28 шілдеде Балқаш көліндегі Үлкен ауылының жағажай аймағында болған. Видеода қара түсті жол талғамайтын көлік суға кіріп, бірнеше метр жерде шомылып жатқан адамдар мен ойнап жүрген балалардың арасымен жүріп өткені анық көрінеді.
Куәгерлердің айтуынша, демалушылар жүргізушіге тоқтауды өтінген, бірақ ол бұл ескертуді елемей, жолын жалғастыра берген. Ашуланған халық тәртіп бұзушыны тауып, жауапқа тартуды талап етуде. Бұл жағдай жергілікті билікке де сұрақтар туғызады: неліктен жағажай аумағында көліктер еркін жүре алады және неге тиісті қоршаулар немесе тыйым салу белгілері жоқ? Әзірге полиция бұл оқиғаға қатысты ресми түсініктеме берген жоқ.
Видео: @jagdaikz
