Джеки Чан Ақтаудағы кеште Миягимен бірге көрінді
Әлемге әйгілі актер Джеки Чан Ақтаудағы кеште рэпер Мияги және комик Нұрлан Сабуровпен бірге байқалды. Қазақстанда фильм түсірілімі жүріп жатыр.
Сурет: tengrinews.kz
Әлемге әйгілі актер Джеки Чан Ақтаудағы бейресми кеште танымал ресейлік рэпер Мияги (Азамат Құдзаев) пен комик Нұрлан Сабуровтың серігінде байқалды. Кештің кадрларын музыкант өзінің Instagram-парақшасында жариялады, деп хабарлайды Qazaqtoday.info сайты.
Жарияланған бейнежазбаға қарағанда, Джеки Чан Миягидің шығармашылығымен таныс және оның әндерін құрметпен қоса айтады. Актер әншіні құшақтап, бірге суретке түседі.
Пайдаланушылар голливудтық жұлдыз бен рэп-орындаушының күтпеген кездесуін белсенді талқылауда.
Сонымен қатар, әртіс әлеуметтік желіде өз шығармашылығының жанкүйерлерімен бірге түскен суреттерді де қуана жариялайды.
Қазір Қазақстанда Джеки Чанның қатысуымен «Доспехи Бога: Ультиматум» фильмінің түсірілімі өтіп жатыр. Басты алаңдардың бірі Ақтау болды. Фильмнің тағы бір негізгі локациясы Маңғыстау облысындағы Бозжыра шатқалы болады. Бұған дейін фильмнің түсірілімі ресми түрде 18 шілдеде басталғаны хабарланған болатын.
