Қазақстанда дүйсенбіде ауа райы қолайсыз: бірнеше өңірде дауылды ескерту жарияланды

Сурет: tengrinews.kz

Дүйсенбі күні Қазақстанның бірнеше өңірінде ауа райы қолайсыз болуы мүмкін. Синоптиктер дауылды ескерту жариялап, қай жерде шілде ыстық, қай жерде найзағай, бұршақ және қатты жел күтілетінін хабарлады, деп хабарлайды Qazaqtoday.info сайты.

Абай облысының солтүстігінде, шығысында, оңтүстігінде жаңбыр, найзағай, күндіз бұршақ және екпінді жел болады. Жел солтүстік-батыстан; облыстың солтүстігінде, шығысында, оңтүстігінде секундына 15-20, күндіз 23 метр. Облыстың солтүстік-шығысы мен оңтүстігінде төтенше өрт қаупі сақталады. Семейде жаңбыр, найзағай күтіледі. Жел солтүстік-батыстан, күндіз екпіні секундына 15-20 метр.

Ақмола облысында күндіз қатты ыстық 35 градус болуы мүмкін. Облыстың батысында жоғары өрт қаупі, оңтүстік-батысында төтенше өрт қаупі сақталады. Ақтауда оңтүстік-шығыстан жел соғып, күндіз екпіні секундына 15 метрге жетеді. Ақтөбе облысының оңтүстігінде шаңды дауыл болжанады. Жел шығыстан, оңтүстік-шығыстан; облыстың батысында, оңтүстігінде екпіні секундына 15-18 метр. Ақтөбеде жоғары өрт қаупі сақталады.

Алматы облысының таулы аудандарында күндіз қысқа мерзімді жаңбыр, найзағай болуы мүмкін. Жел солтүстік-шығыстан; күндіз облыстың оңтүстігінде, таулы аудандарында екпіні секундына 15-20 метр. Күндіз облыста қатты ыстық 35 градус. Облыстың солтүстігінде, батысында, оңтүстігінде және орталығында төтенше өрт қаупі, шығысында жоғары өрт қаупі сақталады. Қонаевта солтүстік-шығыстан жел соғып, күндіз екпіні секундына 18 метрге дейін жетеді. Күндіз қатты ыстық 35 градус.

Атырау облысының батысында күндіз аздаған жаңбыр, найзағай күтіледі. Жел оңтүстік-шығыстан солтүстік-батысқа ауысады. Күндіз облыстың батысында, солтүстігінде және оңтүстігінде жел екпіні секундына 15-18 метрді құрайды. Шығыс Қазақстан облысының солтүстігінде, шығысында түнде найзағайлы жаңбыр мүмкін, күндіз де жалғасады. Облыстың солтүстігі мен шығысында қатты жаңбыр, бұршақ, екпінді жел болуы ықтимал. Түнде және таңертең облыстың солтүстігінде тұман күтіледі. Жел солтүстік-батыстан; күндіз облыстың солтүстігінде, шығысында, оңтүстігінде секундына 15-20 метр, екпіні 23 метр. Облыстың оңтүстігінде, оңтүстік-шығысында және орталығында төтенше өрт қаупі сақталады. Өскеменде күндіз жаңбыр, найзағай күтіледі. Жел солтүстік-батыстан, күндіз екпіні секундына 15-20 метр.

Жамбыл облысының таулы аудандарында қысқа мерзімді жаңбыр, найзағай болжанады. Жел солтүстік-шығыстан: облыстың оңтүстік-батысында, солтүстік-шығысында, таулы аудандарында секундына 15-20, екпіні 23 метр. Облыста төтенше өрт қаупі сақталады; шығысы мен оңтүстігінде жоғары өрт қаупі бар. Таразда солтүстік-шығыстан жел соғып, таңертең және күндіз екпіні секундына 15-20 метр. Қалада төтенше өрт қаупі сақталады.

Жетісу облысының шығысында, таулы аудандарында қысқа мерзімді жаңбыр, найзағай мүмкін. Жел солтүстік-шығыстан: облыстың шығысында, солтүстігінде екпіні секундына 17-22 метр. Батыс Қазақстан облысының батысында, солтүстігінде күндіз қысқа мерзімді жаңбыр, найзағай, бұршақ, екпінді жел болады. Облыстың батысы мен оңтүстігінде шаңды дауыл күтіледі. Жел оңтүстік-шығыстан батысқа ауысады: облыстың батысында, солтүстігінде және оңтүстігінде екпіні секундына 15-20 метр. Оралда күндіз қысқа мерзімді жаңбыр, найзағай күтіледі. Жел оңтүстік-шығыстан батысқа ауысады, күндіз екпіні секундына 15-20 метр.

Қарағанды облысының шығысында күндіз жаңбыр, найзағай, бұршақ болжанады. Жел солтүстіктен, солтүстік-шығыстан; күндіз облыстың шығысында екпіні секундына 15 метр. Облыстың шығысы мен оңтүстігінде төтенше өрт қаупі сақталады. Қостанай облысында күндіз қатты ыстық 35-37 градус, Қостанайда 35-36 градус. Облыстың батысында, шығысында және орталығында жоғары өрт қаупі, оңтүстігі мен оңтүстік-шығысында төтенше өрт қаупі сақталады.

Қызылорда облысының солтүстігінде, оңтүстігінде және орталығында күндіз шаңды дауыл болжанады. Жел солтүстік-шығыстан; күндіз облыстың солтүстігінде, оңтүстігінде және орталығында секундына 15-20 метр. Күндіз облыста қатты ыстық 40-42 градус, Қызылордада 40-41 градус. Төтенше өрт қаупі сақталады. Павлодар облысының батысында, оңтүстігінде, шығысында жаңбыр, найзағай, күндіз бұршақ, екпінді жел күтіледі. Жел солтүстіктен; күндіз облыстың батысында, оңтүстігінде, шығысында екпіні секундына 15-20 метр. Облыстың шығысында төтенше өрт қаупі сақталады. Павлодарда таңертең және күндіз жаңбыр, найзағай. Жел солтүстіктен, күндіз екпіні секундына 15-20 метр.

Солтүстік Қазақстан облысының батысында, солтүстігінде түнде және таңертең тұман мүмкін. Жел солтүстіктен, солтүстік-батыстан; күндіз облыстың оңтүстік-шығысында екпіні секундына 15-20 метр. Облыстың батысы мен оңтүстігінде жоғары өрт қаупі сақталады. Түркістан облысының батысында, солтүстігінде күндіз шаңды дауыл күтіледі. Жел солтүстік-шығыстан; күндіз облыстың солтүстігінде, батысында, таулы және тау бөктеріндегі аудандарда секундына 15-20 метр. Тау асуларында жел екпіні секундына 25 метрге жетеді. Күндіз қатты ыстық 40-41 градус. Облыстың солтүстігінде, оңтүстігінде және орталығында төтенше өрт қаупі сақталады. Түркістанда солтүстік-шығыстан жел соғып, екпіні секундына 15-20 метр. Күндіз қатты ыстық 40-41 градус.

Ұлытау облысында солтүстік және солтүстік-шығыстан жел соғуы мүмкін. Күндіз облыстың солтүстігінде, оңтүстігінде және орталығында жел екпіні секундына 15 метрге жетеді. Сондай-ақ қатты ыстық 35-38 градус күтіледі. Облыстың оңтүстігі мен шығысында төтенше өрт қаупі сақталады. Жезқазғанда солтүстік және солтүстік-шығыстан жел соғып, күндіз екпіні секундына 15 метрге дейін жетеді. Қалада қатты ыстық 35 градус болады. Шымкентте синоптиктер солтүстік-шығыстан жел соғып, екпіні секундына 15-20 метр болатынын болжайды.

Алматыда төтенше өрт қаупі сақталады. Медеу және Бостандық аудандарының таулы аймақтарында күндіз қысқа мерзімді жаңбыр, найзағай күтіледі. Жел солтүстік-шығыстан, күндіз екпіні секундына 15-20 метр. Бұған дейін Қазгидромет синоптиктері Алматы мен Астанаға 25, 26 және 27 шілдеге арналған ауа райы болжамын жариялаған болатын. Мегаполистердегі ауа райы туралы толығырақ сілтеме бойынша оқыңыз.