Миландағы көркем гимнастикадан Әлем кубогы кезеңі: Ерекешева тоғызыншы орында

Италияның Милан қаласында көркем гимнастикадан Әлем кубогы кезеңі аяқталды, деп хабарлайды Qazaqtoday.info сайты.

Жеке жарыста Қазақстан құрамасынан Ақмарал Ерекешева мен Айбота Ертайқызы сынға түсті.

Ең үздік нәтижені Ерекешева көрсетті. Қазақстандық гимнаст таяқтармен жаттығуда тоғызыншы орынға ие болды. Көпсайыста ол 11-орын, шеңбермен жаттығуда 13-орын, таспамен 15-орын, доппен 18-орынға тұрақтады.

Ертайқызы көпсайысты 32-орынмен аяқтады. Таспамен жаттығуда Айбота 12-орын, доппен 22-орын, шеңбермен 35-орын, ал таяқтармен 63-орын алды.

Сонымен қатар Қазақстан Әлем кубогы кезеңінде топтық жаттығуларда да бақ сынады. Қазақстандық гимнасттар көпсайыста 15-нәтиже көрсетті. Бес доппен жаттығуда олар 19-орын, ал үш шеңбер мен екі жұп таяқпен жаттығуда 12-орын алды.