Қасым-Жомарт Тоқаев Қатар әміріне көңіл айтты

Қазақстан Президенті Қасым-Жомарт Тоқаев Қатар Мемлекетінің әмірі шейх Тәмим бен Хамад Әл Тәниге көңіл айту жеделхатын жолдады, деп хабарлайды Qazaqtoday.info сайты.

Жеделхатта Мемлекет басшысы Қатардың бұрынғы әмірі, әмір-әке шейх Хамад бен Халифа Әл Тәнидің қайтыс болғаны туралы хабарды терең күйзеліспен қабылдағанын жеткізді.

Президент Қатар әмірі мен оның әулетінің, сондай-ақ бүкіл қатарлықтардың қайғысына ортақтасып, көңіл айтты.

«Шейх Хамад бен Халифа Әл Тәни – Қатардың өсіп-өркендеуіне және халқының баянды болашағын қамтамасыз етуге тарихи үлес қосқан, халықаралық бейбітшілік пен тұрақтылықты нығайтуға риясыз қызмет еткен біртуар қайраткер. Қазақстандықтар әкеңіз шейх Хамад бен Халифаны парасатты басшы, халықаралық деңгейдегі беделді саясаткер, екіжақты ынтымақтастықты нығайтуға зор еңбек сіңірген тарихи тұлға ретінде әрдайым есінде сақтайтын болады», – делінген жеделхатта.