Қазақстанда алма әкелуге уақытша тыйым салынуы мүмкін
Қазақстанда 2026 жылдың 1 тамызынан 31 желтоқсанына дейін алма әкелуге уақытша тыйым салу жоспарланып отыр. Бұл отандық өндірушілерді қолдау мақсатында жасалмақ.
Сурет: kaztag.kz
Қазақстанда 1 тамыз бен 31 желтоқсан аралығында алма импортына уақытша тыйым салу жоспарланып отыр, деп хабарлайды Qazaqtoday.info сайты.
Ауыл шаруашылығы министрлігінің «Ашық НҚА» порталында жарияланған бұйрық жобасына сәйкес, Қазақстан аумағына үшінші елдерден және Еуразиялық экономикалық одаққа мүше мемлекеттерден автомобиль, су және теміржол көлігімен алма (ЕАЭО сыртқы экономикалық қызметтің тауар номенклатурасы коды: 0808 10) әкелуге тыйым салынады. Алайда, Қазақстан аумағы арқылы транзиттік тасымалдау, сондай-ақ ЕАЭО-ға мүше бір мемлекеттен екінші мемлекетке Қазақстан аумағы арқылы өткізу жағдайлары ерекшелік болып табылады.
Министрліктің болжамынша, бұл шара отандық өндірушілерді қолдауға және өнімнің тұрақты өткізілуін қамтамасыз етуге мүмкіндік береді.
