Қазақстанда тоғыз айда 356 мың жеке кәсіпкер есептен шықты
Қазақстанда тоғыз айда 356 мың жеке кәсіпкер есептен шықты, 277 мың жаңа субъект тіркелді. Вице-премьер Серік Жұманғарин себептерін түсіндірді.
Астана. 13 қазан. ҚазТАГ – Алена Субботина. Қазақстанда тоғыз айдың ішінде 356 мың жеке кәсіпкер есептен шығарылды. Бұл туралы үкімет отырысында вице-премьер – ұлттық экономика министрі Серік Жұманғарин мәлімдеді.
Бұл туралы Qazaqtoday.info сайты хабарлайды.
«2026 жылдың тоғыз айында 277 мың жаңа кәсіпкерлік субъектісі тіркелді, оның ішінде 34,7 мың заңды тұлға және 242,3 мың жеке кәсіпкер. Осы кезеңде 19,7 мың заңды тұлға мен 356 мың жеке кәсіпкер есептен шығарылды», – деді Жұманғарин сейсенбі күні өткен үкімет отырысында.
Министр жабылған 356 мың жеке кәсіпкердің 42,6 пайызы 2025 жылы табыс таппағанын, ал 20,8 пайызы өзін-өзі жұмыспен қамтығандар режиміне ауысып, қызметін жалғастырғанын түсіндірді.
Қалған 36,6 пайыз (130,3 мың) жеке кәсіпкердің жабылу себептерін министр нақтыламады.
Еске салайық, бұған дейін ҚазТАГ салық реформасының Қазақстан бизнесіне қалай әсер еткенін талдаған болатын. Аналитик Арман Бейсембаев салық реформасының салдары әлі толық көріне қоймағанын айтады.
