Ақтөбедегі автогаз станциясында өрт: үш адам қаза тапты

Ақтөбедегі автогаз құю станциясында болған өрт салдарынан үш адам қаза тауып, біреуі ауруханаға жеткізілді. Бұл туралы Qazaqtoday.info сайты хабарлайды.

Төтенше жағдай 19 маусым күні сағат 22:55-те Бөгенбай батыр көшесіндегі автогаз станциясында тіркелген. Жеңіл көлік кенеттен тұтанып, өрт шыққан. Өрт сөндірушілер 8 минут ішінде жалынды ауыздықтап, оның жанармай құю нысандарына таралуына жол бермеген. Алайда көлік ішінен үш адамның мәйіті табылды. Қаза тапқандардың екеуі кәмелетке толмағандар екені анықталды. Тағы бір зардап шеккен адам ауыр халде ауруханаға жеткізілді. Оқиға орнында ТЖД-ның 50-ге жуық қызметкері мен 10-нан астам техникасы жұмыс істеді. Қазіргі уақытта өрттің себептері мен мән-жайы анықталып жатыр.