«Халыққа аялдама керек, бутик емес»: атыраулықтар билікті сынға алды

Фото: видеодан скрин

Атырауда қоғамдық көлік аялдамаларының орнына сауда бутиктерін салу мәселесі тұрғындардың ашу-ызасын тудырды. Әлеуметтік желілерде жарияланған видеодан аялдама маңында құрылыс жұмыстарының жүріп жатқанын және оның жолаушыларға үлкен қолайсыздық әкелгенін көруге болады.

Жергілікті халық бұл жағдайға байланысты өз наразылықтарын ашық білдіріп жатыр. Желі қолданушыларының айтуынша, бұл аймақта онсыз да дүкендер жеткілікті, ал жаңа бутиктердің ешқандай қажеттілігі жоқ. Тұрғындар күннің ыстығы мен суығында халық сыймайтын тар аялдамалардың орнына, кең әрі ыңғайлы күту орындарын салуды талап етуде. Пікір қалдырушылар «Ақша жеу кез келген жерден табылады» және «Атырауға келген әкімдердің бәрі тек өз қалтасын толтыруды ойлайды» деп, жергілікті биліктің іс-әрекетін қатаң сынға алды.