ҰҚК Атырау әкімінің орынбасары Мейіржан Мұқасовқа қатысты тергеу бастады
Ұлттық қауіпсіздік комитеті Атырау облысы әкімінің орынбасары Мейіржан Мұқасовқа қатысты тергеу амалдары жүріп жатқанын растады. Істің мән-жайы әзірге белгісіз.
Атырау облысы әкімінің орынбасары Мейіржан Мұқасовқа қатысты тергеу жүргізіліп жатыр. Бұл мәліметті Ұлттық қауіпсіздік комитеті растады, деп хабарлайды Qazaqtoday.info сайты.
Қылмыстық істің басқа мән-жайы әзірге белгісіз. Бұған дейін БАҚ беттерінде тергеуді Сыбайлас жемқорлыққа қарсы іс-қимыл агенттігінің Атырау облысы бойынша департаменті жүргізіп жатқаны туралы ақпарат тараған, алайда бұл дерек ресми расталмады.
Мейіржан Мұқасов бұл қызметке тағайындалғанға дейін облыс әкімінің кеңесшісі, Атырау облыстық мемлекеттік сатып алу және коммуналдық меншік басқармасының (2023-2024) және Атырау облыстық қаржы басқармасының (2022-2023) басшысы болған.
