Бибісара Асаубаева мерзімінен бұрын Norway Chess чемпионы атанды
Қазақстандық шахматшы Бибісара Асаубаева беделді Norway Chess турнирінде мерзімінен бұрын чемпион атанды. Ол 16,5 ұпай жинап, бәсекелестерінен озып кетті.
Фото: Michal Walusza / Norway Chess
Қазақстандық шахматшы Бибісара Асаубаева Норвегияда өткен беделді Norway Chess турнирінің мерзімінен бұрын жеңімпазы атанды. Ол бұл жетістікке турнирдің аяқталуына бір тур қалғанда қол жеткізді, деп хабарлайды Qazaqtoday.info сайты.
Турнирдің тоғызыншы турында отандасымыз өткен жылғы чемпион, украиналық Анна Музычукпен кездесті. Ақ фигуралармен ойнаған Асаубаева кездесуді тең аяқтап, 16,5 ұпай жинады. Бұл көрсеткіш оны бәсекелестері үшін қол жетпес етті, себебі екінші орындағы Музычуктың еншісінде 12 ұпай бар.
Айта кетейік, Бибісара Асаубаева – Norway Chess турнирінде топ жарған алғашқы қазақстандық шахматшы. Осылайша ол Қазақстан шахмат тарихында жаңа белесті бағындырды.
