Әнші Әли Оқапов анасы, Қазақстанның халық әртісі Роза Рымбаеваға жаңа автокөлік сыйлады. Бұл туралы әншінің өзі әлеуметтік желідегі парақшасында бөлісті, деп хабарлайды Qazaqtoday.info сайты.
Әнші бұл тосынсыйды алдын ала жоспарлаған. Ол анасын автосалонға қызметкерлермен суретке түсу желеуімен алып келген. Салтанатты жағдайда табысталған көліктің өзіне сыйға тартылғанын білген Роза Рымбаева қуанышын жасыра алмады.
Айта кетейік, Роза Рымбаева – КСРО және Қазақстанның халық әртісі, эстрада әншісі. Ол сахнада 1975 жылдан бері өнер көрсетіп келеді. Әли Оқапов – Роза Рымбаева мен Тасқын Оқаповтың тұңғыш ұлы. Ол әнші, композитор және продюсер ретінде танымал.
