Өскеменде бір топ жас велошабандозды көлік қағып кетті
Фото: Pixabay
27 мамыр күні шамамен сағат 09:30-да Өскемен қаласында Ертіс өзені үстіндегі көпірде жас велошабандоздарды көлік қағып кетті, деп хабарлайды Qazaqtoday.info ақпарат порталы turkystan.kz-ке сілтеме жасап.
Алдын ала мәлімет бойынша, Toyota Avensis автокөлігінің жүргізушісі жолақ ауыстыру кезінде маневрдің қауіпсіз екеніне көз жеткізбей, спортшылар тобына соқтығысқан.
«Жол-көлік оқиғасы салдарынан кәмелетке толмаған 6 велошабандоз медициналық көмекке жүгінді», – деп түсіндірді Шығыс Қазақстан облысы полиция департаменті баспасөз қызметі.
Аталған жол апатына байланысты тексеру жүргізіліп жатыр. Тергеу қорытындысы бойынша процессуалдық шешім қабылданады.
