Елена Рыбакина «Ролан Гаррос» турнирімен ерте қоштасты
Қазақстандық теннисші Елена Рыбакина «Ролан Гаррос»-2026 турнирінің екінші айналымында украиналық Юлия Стародубцевадан жеңіліп, жарысты аяқтады.
Сурет: azattyq-ruhy.kz
Қазақстанның бірінші ракеткасы Елена Рыбакина Парижде өтіп жатқан «Ролан Гаррос» турнирінің екінші айналымында жеңіліс тауып, жарыс жолынан шығып қалды деп хабарлайды Qazaqtoday.info сайты.
Дүниежүзілік рейтингте 2-орында тұрған отандасымыз екінші айналымда украиналық теннисші Юлия Стародубцевамен (WTA 55-орны) кездесті. Үш сетке созылған тартысты матч 3:6, 6:1, 6:7 есебімен украиналық спортшының пайдасына шешілді. Осылайша, Рыбакина Франция ашық чемпионатын мерзімінен бұрын аяқтады.
Еске сала кетейік, Елена Рыбакина турнирдің алғашқы кезеңінде словениялық Вероника Эрьявецті 6:2, 6:2 есебімен сенімді түрде жеңген болатын. Бұған дейін қазақстандық теннисшінің «Ролан Гарростағы» ең үздік нәтижесі ширек финал болған, ол бұл кезеңге 2021 және 2024 жылдары жеткен еді.
