Павлодарда жантүршігерлік жол апатынан екі адам ажал құшты

Фото: Павлодар облыстық ПД

Павлодар облысында жантүршігерлік жол апатынан екі адам қаза тапты, деп хабарлайды Qazaqtoday.info ақпарат порталы.

Алдын ала мәліметтер бойынша, Аққулы ауданы Шарбақты ауылы маңындағы автожолда Lada Гранта және Газ-33023 жеңіл көліктері соқтығысқан. Апат салдарынан жеңіл автокөліктің жүргізушісі мен жолаушысы ауруханада көз жұмды, тағы бір жолаушы ауруханаға жатқызылды. Аталған жол-көлік оқиғасы бойынша қылмыстық іс қозғалды.

Қазіргі уақытта көліктер мамандандырылған айып тұрағына қойылған. Оқиғаның мән-жайы мен себептері тергеу барысында анықталады.