Тоқаевты сағындым: бүлдіршіннің желідегі әрекеті көпті елжіретті (видео)
Коллаж: qazaqtoday.info
Әлеуметтік желіде Ақорданың айналасындағы отбасының әрекеті қызу талқыға түсті, деп хабарлайды Qazaqtoday.info порталы.
Онда Әміре есімді балақай Президентке барғысы келетінін айтқан. Ал балақайдың анасы, Мемлекет басшысына бару үшін, бұзық болмай, тәртіпті болу керектігін ескерткен.
«Қасым-Жомарт Тоқаевты сағындым. Біз қазір президентке барамыз ба? Мен оның қасына отырғым келеді, артында тұрам ғой, бұзық болмаймын», — дейді Ақорданың жанынан өтіп бара жатқан көліктегі балақай.
Баланың ата-анасы Есілдің жағалауында жүріп, ол жерге кіруге рұқсат жоқ екенін ескерткен. Бала мен ата-анасының арасындағы шағын әңгіме желі оқырмандарының арасында қызу талқыланып жатыр.
Тағы бірде LRT-ға отырып, Ақорданы көрген балақай бірден еліміздің әнұранын орындай кетті.
«Мүмкін көріп қалар, мүмкін жауап алар, мүмкін кездесіп те қалар», — деп жазды анасы.
