Атырау облысында әйел жаяу жүргіншілер көпірінен құлап, қаза тапты
Фото: ChatGPT арқылы жасалған
Атырау облысында әйел жаяу жүргіншілер көпірінен құлап, қаза тапты, деп хабарлайды Qazaqtoday.info ақпарат порталы.
«Ақ Жайық»басылымының мәліметінше, қайғылы оқиға 22 мамырда Мақат ауданында болған. Түскі уақытта 68 жастағы әйел Мақат кенті мен Бәйгетөбе ауылын жалғап тұрған жаяу жүргіншілер көпірінен құлап кеткен.
Оқиға орнына жедел жәрдем бригадасы шұғыл жеткенімен, әйелді аман алып қалу мүмкін болмады.
Атырау облыстық полиция департаменті әзірге болған оқиға туралы ресми ақпарат берген жоқ. Оқиғаның мән-жайы анықталып жатыр.
