Тоқаев пен Ердоған Астанадағы Alem.ai жасанды интеллект орталығын аралады

Қазақстан Президенті Қасым-Жомарт Тоқаев пен Түркия Президенті Режеп Тайып Ердоған Астанадағы Alem.ai халықаралық жасанды интеллект орталығының жұмысымен танысты. Мемлекет басшыларына еліміздің негізгі технологиялық хабының әлеуеті көрсетілді, деп хабарлайды Qazaqtoday.info сайты.

Премьер-Министрдің орынбасары – цифрлық даму, инновациялар және аэроғарыш өнеркәсібі министрі Жаслан Мәдиев екі елдің көшбасшыларына орталықтың музей экспозициясы мен ЖИ-кинотеатрының мүмкіндіктерін көрсетіп, Alem.ai-дің ұзақмерзімді даму стратегиясы туралы баяндады.

Сонымен қатар сапар аясында мемлекет басшыларына «Astana Smart City» жобасының тұсаукесері жасалды.