Президенттің сенімін ақтайсыз: Бектенов өзінің жаңа орынбасарына сәттілік тіледі
Бүгін үкімет отырысында премьер-министр Олжас Бектенов өзінің орынбасары Нұрлыбек Нәлібаевқа сенім танытты, деп хабарлайды QazaqToday.infoү
Ең бірінші Бектенов Президент әкімшілігіне «кеткен» Роман Склярға алғыс білдіріп, табыс тіледі.
«Өздеріңіз білетіндей, Роман Скляр Қазақстан Республикасы Президенті Әкімшілігінің басшысы болып тағайындалды. Үкімет атынан Роман Васильевичке Үкіметтегі нәтижелі жұмысы үшін алғысымды айтамын және жаңа жауапты қызметте табыс тілеймін», — деді Бектенов.
Осы ретте премьер-министр су жаңа орынбасары Нұрлыбек Нәлібаевқа да жұмыстың жеңіл еместігін ескертті.
«Нұрлыбек Машбекұлы, жаңа қызметіңізде сәттілік тілейміз. Мемлекет басшысының сенімін толық ақтайсыз деп сенемін», — деді Бектенов.
Фотоколлаж: Azattyq ruhy/Әбілқасым Есентаев
