Көкшетауда аулаға кірген көлік әйелді басып кетті
Фото: Видеодан скрин
Көкшетауда тұрғын үй ауласына кіріп келе жатқан көлік жаяу жүргіншіні қағып кеткен. Бұл туралы QazaqToday.info ақпараттық порталы хабарлайды.
Оқиға 9 мамыр күні болған. Бақылау камерасындағы кадрларда ақ түсті кроссовердің аулаға бұрылып кірген сәті, артынша жаяу адамды қағып кеткені көрінеді.
Жергілікті тұрғындардың айтуынша, көз жұмған әйел 12 жастағы баланы тәрбиелеп отырған.
Тұрғындар бұл аулада қауіпсіздік мәселесі бұрыннан көтеріліп келе жатқанын айтады. Олардың сөзінше, ауладағы екі кіреберістің бірі жабылғаннан кейін барлық көлік бір жолмен қатынай бастаған. Соған байланысты тұрғындар бірнеше рет шара қабылдауды сұраған.
Ақмола облысы полиция департаменті жол-көлік оқиғасына байланысты қылмыстық іс қозғалғанын хабарлады. Қазір тергеу жүргізіліп, апаттың барлық мән-жайы анықталып жатыр.
