Сурет: ulysmedia.kz
«Әділет» жаңа партиясының құрылтай съезінде оның төрағасы болып Айбек Дәдебай сайланды. Партия басшысы өз сөзінде еліміздің болашағы азаматтардың жауапкершілігіне байланысты екенін атап өтіп, «кереметтерге уәде бермейтінін», бірақ жүйелі жұмыс істейтінін мәлімдеді деп хабарлайды Qazaqtoday.info сайты.
«Біздің ортақ үйіміз – тәуелсіз әрі өркендеген Қазақстанның болашағы бүгін қалыптасады. Бұл әр азаматтың саналы таңдауына: адал еңбек етуге, заңды құрметтеуге, ел өміріне атсалысуға байланысты. Біз жеңіл шешімдер мен кереметтерге уәде бермейміз. Бірақ біз басқа нәрсеге – дәйекті, жауапкершілігі мол және жүйелі жұмыс істеуге уәде береміз», – деді партия басшысы. Айта кетейік, Айбек Дәдебайдың кандидатурасын құрылтай съезінің делегаттары бірауыздан қолдаған болатын.
