Хромтаудағы қылмыс: 27 жастағы жігітті елдің көзінше пышақтап өлтірді (видео)

Фото: malim

Марқұмды 22 жастағы күдікті бірнеше жерінен пышақтаған. Ақтөбе облысының Хромтау қаласында 27 жастағы ер адамның өліміне қатысты қылмыстық іс тергеліп жатыр, деп хабарлайды QazaqToday.info ақпараттық порталы.

«Криминальный Казахстан» мәліметінше, 3 мамыр күні полицияға Хромтаудағы Бейбітшілік даңғылы бойында пышақ жарақатын алған ер адам туралы хабар түскен. Оқиға орнына жеткен тәртіп сақшылары 27 жастағы азаматтың мәйітін тапқан.

Алдын ала дерек бойынша, марқұмның денесінде бірнеше пышақ жарақаты болған. Жедел-іздестіру шаралары барысында күдікті қолға түсті. Ол — 22 жастағы жігіт болып шықты.

Күдікті полиция бөліміне жеткізілген. Құқық қорғау органдарының мәліметінше, іс бойынша мойындау сипатындағы жауап алынған. Қазір сот-медициналық сараптама тағайындалып, тергеу амалдары жүргізіліп жатыр. Аталған факті бойынша «Адам өлтіру» бабы негізінде қылмыстық іс қозғалды. Күдікті қамауға алынды.

https://smartnews.kz/news/29155-hromtauda-koshenin-kak-ortasynda-27-zhastagy-zhigitti-pyshaktap-oltirdi