Солтүстік Қазақстанда ашынған әйел өз-өзін өртеп жіберген
Фото: pixabay.com
Солтүстік Қазақстан облысы Аққайың ауданының Астраханка ауылында 41 жастағы әйел өзін-өзі өртеп жіберген, деп хабарлайды QazaqToday.info ақпараттық порталы.
Ауыл тұрғындарының сөзінше, бұл әрекетке отбасылық жанжал мен қызғаныш себеп болуы мүмкін.
Қайғылы оқиға 30 сәуірге қараған түні болған. Ауыр күйік жарақаттарымен әйел аудандық ауруханаға жеткізілді.
Оқиғаға қатысты Солтүстік Қазақстан облысы полиция департаментінің баспасөз қызметі түсініктеме берді.
«Аталған факті бойынша полиция сотқа дейінгі тергеуді бастады. Әйел медициналық мекемеге жеткізілді. Оқиғаның мән-жайы анықталуда, қажетті тергеу әрекеттері жүргізілуде», – делінген хабарламада.
Қазір оқиғаның мән-жайы толық тексеріліп жатыр. Полиция ҚР Қылмыстық кодексінің 105-бабы «Өзін-өзі өлтіруге дейін жеткізу» бойынша қылмыстық іс қозғады.
