Чемпиондар лигасы: «Атлетико» мен «Арсенал» тағдырын екі пенальти шешті

Чемпиондар лигасының жартылай финалындағы алғашқы ойында мадридтік «Атлетико» мен лондондық «Арсенал» 1:1 есебімен тең тарқасты, деп хабарлайды Qazaqtoday ақпарат агенттігі.

Мадридте өткен тартысты кездесуде екі гол да 11 метрлік айып добынан соғылды. Бірінші таймның соңына қарай, 44-минутта лондондықтардың шабуылшысы Дьёкереш пенальтиден мүлт кетпей, командасын алға шығарды.

Алайда екінші таймда алаң иелері есепті теңестіре алды. 56-минутта «Атлетико» ойыншысы Альварес те пенальтині сәтті орындап, таразы басын теңестірді.

Осылайша, финалға шығатын команданың тағдыры бір аптадан кейін Лондонда өтетін қарымта кездесуде шешіледі.

Фото: Әлеуметтік желіден